Nortzuk gara?

Gaur egungo Illumbe Akordeoi Orkestra 1985 urtean sortu zen, orkestra sortzeko saiakera batzuk egin eta gero. Hasieratik Jose Juan Zubillaga izan da orkestrako zuzendaria, eta gaur egun 15 kide ditu eta kideen batez besteko adina 30 urtekoa da. Orkestrako kide asko akordeoi arloko profesionalak dira eta beste batzuk profesional bihurtuko dira denbora laburrean.

Orkestraren errepertorioa oso zabala eta aberatsa da. Estilo eta konpositore desberdinetako 200 obra baino gehiago ditu errepertorioak: Händel, Haydn, J.S. Bach, Strauss eta akordeoi orkestrentzako obrak egin dituzten autoreak, hala nola, Bui, Mohr, Luck edo Aragues.